“Gargarintxo bada gnomo txiki bat nahiko bihurria, Olentzero eta Mari Domingiren laguna, eta txirula edo tronpeta antzeko bat jotzen duena. Ludoteka irekita dago urte osoan. Hemen oso ongi pasatzen dugu lagunekin. Gauza asko egiten dugu: eskulanak, jolas librea, margotu, mahai-jolasak… Udan igerilekuan ere ibiltzen gara, hemen bertan dagoelako eta igeriketa eta jolasak egiten ditugu.

Gargarintxoko zuzendaria banintz tailer gehiago antolatu eta hormairudi gehiago egingo nituzke. Irudi polit bat dugu dagoeneko, baina tokia dago margo gehiago egiteko”.

“Gehien gustatzen zaidana hemen ludotekan futbolean jolastea da. Gurasoak lanean ari dira eta bitartean gu hemen oso gustura gaude.

Udan batzuetan joaten gara errekara bainatzera eta besteetan Zubiriko piszinara eta lagunekin egoten gara.

Larrasoañatik erromes asko pasatzen dira eta batzuetan asko daudenez, aterpea betetzen denean, joaten dira lotara frontoira. Ni musikan hasiko naiz heldu den urtean eta gustatuko litzaidake bateria jotzea.

Gargarintxoko zuzendaria banintz kanpoan jolasteko gauzak eta parke bat jartzea eskatuko nuke”.

“Niri asko gustatzen zait eskulanak egitea. Gauza pila egin dugu egun hauetan, adibidez pop it bat. Bada eva gomaz egindako xafla bat burbuilak dituena eta barrura eta kanpora bultzatzen dituzunak. Estresatzen zarenean joko honekin lasaitzen zara. Honetaz gain bi zuhaitz egin ditugu, oso politak.

Ludotekara etortzen gara ikasturtean zehar arratsaldeetan eta baita opor garaietan ere: Eguberrietan, Aste Santuan, udan… gurasoak lanean ari direnean eta guk eskolarik ez dugunean. Etortzen gara ahal dugunean beste aktibitateak ere baditugulako. Gehienok musika ikastera joaten gara. Nik, adibidez, zeharkako txirula jotzen dut.

Gargarintxoko zuzendaria banintz mahai bat handia eta erosoa jarriko nuke, propio eskulanak egiteko”